هم معلم، هم مدیر، هم ناظم…

هم معلم، هم مدیر، هم ناظم…

۱۳۴۵نجی ایل‌ده دیپلم آلمیشدیم، اما ۱۳۴۷نجی ایله قدر «سپاه دانش» آدی ایله عسگر گئتمک اوچون دؤزمه‌لی ایدیم. عسگرلییه حاضرلیق کتابچاسین داها اول آلمیشدیم. ۱۳۴۷نجی ایلین مهر آییندا عسگر گئتمک اوچون تبریز پادگانینا گئتدیک. چوخلوق ایدیق.

«صمد بهرنگی»، «علی‌اشرف درویشیان»، «قدسی قاضی‌نور» و … یازیچی‌لارین اثرلرینی اوخودوغوم اوچون، نئجه اولور اولسون تحصیل اداره‌سی طرفیندن ایشه گؤتورولوب، آذربایجان کندلرینده معلم اولماق ایسته‌ییردیم. «هشترود» شهرینده معلم گؤتوردوکلریندن خبردار اولدوم. نئچه شکیل و سندلریمی گؤتورورب «سراسکند» کندینه گئتدیم. اورا مراجعه ائد‌ن‌لری‌نین آز ساییسی‌نین دیپلم سندلری وار ایدی. اونلارین چوخو آلتینجی کلاسا قدر اوخوموشدولار. بونا گؤره ده همن گون ایشه آلیندیم. اونلار حتی مندن بوتون سندلری ده ایسته‌مه‌دیلر. پلیس طرفیندن جنایت ائتمه‌دیگیمه داییر سند و دیگر سندلری باشقا بیر زامان اونلارا وئرمه‌ییمی ایسته‌دیلر. من بو سندلری هئچ زامان اونلارا وئرمه‌دیم…

یو یازی‌نی ایشیق درگیسی‌نین بیرینجی ساییندا اوخویون